श्री दत्त तीर्थक्षेत्री जाण्याचे महत्त्व आणि समस्यांवर उपाय | फलप्राप्तीचे मार्ग

श्री दत्त तीर्थक्षेत्री जाण्याचा महिमा आणि फलप्राप्तीचे मार्ग
श्री स्वामी समर्थ ! , स्वामी भक्तानो ,श्री दत्त महाराजांची तीर्थक्षेत्रे म्हणजे आपल्याला समस्यांमधून मार्ग दाखवणारे, मनःशांती देणारे आणि जीवनात आनंदाचा झरा उलगडून देणारे पवित्र स्थळ आहेत. आपल्याला आपल्या आयुष्यातील चिंता, मानसिक ताण किंवा समस्यांचे समाधान हवे असल्यास, या पवित्र स्थळांना भेट देऊन भक्तीपूर्ण साधना आणि प्रार्थना केली पाहिजे . खाली आपण वीवध श्री दत्त तीर्थक्षेत्रे आणि त्यांचा विशेष महिमा व लाभ दिला आहे तो समजून घेणार आहोत .

---

1️⃣ संततीची इच्छा पूर्ण करण्यासाठी:

जर तुम्हाला संततीसंबंधी काही समस्या असतील, मूल होण्यासाठी प्रार्थना करायची असेल किंवा तुमच्या मुलासाठी आशीर्वाद हवा असेल, तर कारंजा (जन्मस्थान) येथे अवश्य जावे व दर्शन घ्यावे .
जन्मभूमीच्या पवित्र परिसरात शांत चित्ताने बसा. “तुमचा थोडासा अंश आमच्या घरात येऊ द्या,” या भावनेने प्रार्थना करा. तिथला आनंद लहरी तुमचं आयुष्य सुखद करील.

भगवान दत्त यांचा दूसरा अवतार श्री नरसिंह सरस्वती स्वामी महाराज

---

2️⃣ व्यवसायात भरभराटीसाठी:

तुमच्या उद्योग-व्यवसायाला यश मिळावे असे वाटत असेल, तर अमरापूर येथे जाऊन प्रार्थना करा. श्री दत्त महाराजांचा कृपाशीर्वाद तुमच्या व्यवसायाला उंचीवर नेईल.

swami samarth information in marathi|श्री क्षेत्र अक्कलकोट स्वामी समर्थ संपूर्ण माहिती

---

3️⃣ मुलांना सद्बुद्धीसाठी:

तुमच्या मुलांना उत्तम विचार, सद्बुद्धी आणि चांगला मार्ग सापडावा, यासाठी औदुंबर या तीर्थक्षेत्री भेट द्या. तेथील पवित्र वातावरण तुमच्या इच्छांची पूर्तता करील.

श्री दत्त संस्थान,
औदुंबर, तालुका पलूस, जिल्हा सांगली,

---

4️⃣ अहंकार दूर करण्यासाठी:

जर तुमच्या मनात अहंकाराचा उगम झाला असेल, किंवा तो दूर करायचा असेल, तर शिरोळ येथे भिक्षाटन करा किंवा कुमशी येथे साधना करा. नम्रतेने केलेली ही प्रार्थना तुमच्या मनातील अहंकार नष्ट करेल आणि तुम्हाला शांतता मिळवून देईल.

---

5️⃣ पापकर्मांपासून मुक्तीसाठी:

कधी कधी नकळत चुकीचे कर्म घडते, आणि मन भक्तीमार्गावर भरकटते. अशा वेळी नृसिंहवाडी येथे जाऊन मनःशुद्धी करा. श्री दत्त महाराजांची प्रार्थना तुमच्या दोषांपासून तुम्हाला मुक्त करेल.

---

6️⃣ देवांमधील भेद दूर करण्यासाठी:

जर तुमच्या मनात देवांमधील भेदभावाची भावना असेल, तर हिप्परगी कल्लेश्वर येथे जाऊन ईश्वर चरणी ध्यान करा. या तीर्थक्षेत्री जाऊन तुम्हाला सर्व देव एकच असल्याचा साक्षात्कार होईल.

---

7️⃣ मानसिक धक्क्यातून सावरण्यासाठी:

कधी आयुष्यात असे प्रसंग येतात, जिथे आपण कोलमडून जातो. त्या वेळी फक्त एक उपाय आहे—गाणगापूर संगमावरचे अश्वत्थ आणि औदुंबर.

• त्या पवित्र स्थळी जाऊन आत्मचिंतन करा आणि तुमच्या चुकांचे प्रायश्चित्त घ्या.
• मनातल्या नकारात्मक भावनांना दूर करून असे समजून घ्या: “जे गमावले ते आपले नव्हतेच, आणि जे मिळाले तेही आपले होणार नाही.”
• अध्याय वाचन करा, स्वतःला नव्या उमेदीने तयार करा, आणि श्री दत्त महाराजांच्या चरणी शरण जा.

---

महत्त्वाची शिकवण:

श्री दत्त महाराज आपल्याला आयुष्यातील सर्व दुःखांवर मात करण्याची शक्ती देतात. त्यांचा आशीर्वाद म्हणजे संकटातून बाहेर पडण्यासाठी लागणारी दिशा.
पण या प्रक्रियेत आपल्याला स्वतःच्या चुकांची कबुली देणे आणि पवित्र मनाने प्रार्थना करणे गरजेचे आहे.
“चोरून पोळी वाढली असेल, तर ओरडून तूप मागू नये” या उक्तीचा अर्थ लक्षात ठेवा. संगमस्थानी अपराध मान्य करून प्रार्थना करा, आणि मग दत्त महाराजांच्या कृपेचा अनुभव घ्या.

पण संगम स्थानी वेळ देऊन अपराध मान्य करा.

संकलन :- सतीश अलोणी @

all img credit : http://www.dattamaharaj.com/